Sindri VE orðinn Campelo 2 í Jakobslandi

Vinnslustöðin hefur selt og afhent nýjum eigendum togarann Sindra VE-60, útgerðarfyrirtæki í bænum Marin í sjálfstjórnarhéraðinu Galisíu eða Jakobslandi í norðvesturhluta Spánar. Í Galisíu endar einmitt helgigönguleiðin Jakobsvegur sem margir íslenskir göngugarpar þekkja og hafa þrammað. Sindri VE valdi hins vegar sjóleiðina til nýrra heimkynna á slóðum heilags Jakobs og nefnist nú Campelo 2.

Sindri VE hét lengst af Páll Pálsson ÍS-102. Vinnslustöðin keypti togarann af HG í Hnífsdal og tók við honum um mánaðarmótin júlí/ágúst 2017. Sindra var ætlað að brúa bil í starfsemi VSV vegna tafa á heimkomu Breka VE frá Kína.

Skipsheitið Sindri á sér langa sögu í Vestmannaeyjum. Fiskiðjan gerði út bát með þessu nafni forðum daga og frá 1977 átti Fiskimjölsverksmiðjan og síðar Vinnslustöðin togara sem Sindri hét og gerði út fram á tíunda áratug síðustu aldar.

Japanstogari frá 1973
Páll Pálsson var einn tíu togara sem íslensk útgerðarfyrirtæki létu smíða fyrir sig í Japan og komu heim á árinu 1973. Vestmannaey VE og Páll Pálsson ÍS voru fyrst til landsins, Vestmannaey til Hafnarfjarðar 19. febrúar og Páll til Ísafjarðar 20. febrúar 1973.

Því má skjóta hér inn að löngu síðar, árið 2018, endurtók sagan sig á sinn hátt. Þá fylgdust systurskipin Breki VE og Páll Pálsson ÍS að heim frá Kína!

Vestmannaey kom sem sagt ekki beint til heimahafnar frá Japan. Ástæða þess var einfaldlega sú að eldgosið í Heimaey hófst þegar skipið var á miðju Kyrrahafi, milli Hawaiieyja og Panama. Skipverjar fengu óljósar fregnir af atburðinum í einhverjum útvarpsstöðvum en voru án talstöðvarsambands og gátu engra upplýsinga aflað sjálfir. Staðfestar fréttir bárust ekki fyrr en sólarhring síðar þegar heyrðist í Eiði Guðnasyni, fréttaritara breska útvarpsins – BBC á Íslandi. Hann sagði skilmerkilega frá því í stuttu máli hvað gerst hefði og lét þess getið að allir Eyjamenn væru heilir á húfi. Þá létti áhöfninni mjög.

Tveir Japanstogarar eftir á Íslandi
Tveir Japanstogarar eru eftir af þeim tíu sem komu til landsins 1973: Ljósafell SU og Múlaberg ÓF (áður Ólafur Bekkur ÓF). Hinir átta voru Arnar SU, Bjartur NK, Brettingur NS, Drangey SK, Hoffell SU, Páll Pálsson ÍS, Rauðignúpur ÞH og Vestmannaey VE.

Skipsheitið Páll Pálsson á sér 80 ára sögu í útgerð í Hnífsdal. Í samantekt Kristins G. Jóhannssonar, stjórnarformanns HG-Gunnvarar, kemur fram að nýjasti Páll Pálsson, sem kom frá Kína í fyrra, hafi verið sá sjötti í röðinni með þessu heiti.

Sá fyrsti var 15 smálesta eikarbátur sem hljóp af stokkunum í Skipasmíðastöð Marsellíusar Bernharðssonar á Ísafirði 3. ágúst 1939. Hann bar nafn Páls Pálssonar í Heimabæ í Hnífsdal, föður eigandans og skipstjórans.

Páll Pálsson ÍS nr. 5 var seldur til Eyja, varð Sindri VE og nú síðast Campelo 2 í Jakobslandi.

Af vefsíðu VSV.

Nýjustu fréttir

Myndband

Hitað upp fyrir leik ÍBV og Hauka

Stjórnmál

Spurt og svarað: Sæunn frá Miðflokknum

Fréttir

Metþátttaka í The Puffin Run í ár

Myndband

Álfsnes, kjarnaborun og höfnin

Aðsend grein

Vestmannaeyjar, eyjan okkar

Samgöngur

Dýpkun gengur hægt – betri horfur síðar í vikunni

Stjórnmál

Spurt og svarað: Arndís María frá Eyjalistanum

Fréttir

Eitt tilboð í Gjábakkakant – samið niður eftir opnun

Mest lesið

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Nýjustu fréttir

Góð ráð fyrir siglingu

Sjóveiki