Á Mbl.is er greint frá því að við Dyrhólaós á Reynisfjöru, alveg upp við Dyrhólaey, hafi fundist hræ af stórhveli, 18 til 20 metra langt. Hausinn á hræinu er nokkuð mikið laskaður og er talið að hvalurinn hafi lent í skipsskrúfu eða í árekstri við skip. Jafnvægisuggi Herjólfs eyðilagðist á dögunum og hefur ekki verið nothæfur siðan en talið var að eitthvað hefði rekist utan í uggann á siglingu Herjólfs og þannig skemmt hann. Það skyldi þó ekki hafa verið hvalurinn sem nú liggur í Reynisfjöru?