ÍBV tók á móti Selfossi í 2. umferð Olís deildar karla í Vestmannaeyjum í kvöld. Heimamenn fögnuðu sínum fyrstu stigum í deildinni með þriggja marka sigri, 30-27.

Eyjamenn voru með yfirhöndina í upphafi leiks og leiddu með tveimur mörkum, 7-5, eftir stundarfjórðung. Selfyssingar jöfnuðu leikinn undir lok fyrri hálfleiks, 10-10, og leiddu með einu marki í hálfleik, 13-14.

Selfyssingar héldu forskoti sínu í upphafi síðari hálfleiks og komust mest þremur mörkum yfir, 16-19. Eyjamenn jöfnuðu leikinn í 21-21 þegar stundarfjórðungur var til leiksloka. Eyjamenn reyndust sterkari á lokakafla leiksins og náðu forystunni þegar tæpar tíu mínútur voru eftir. Þeir héldu forskotinu út leikinn og unnu að lokum 30-27 sigur.

Dagur Arnarsson var atkvæðamestur í liði ÍBV með níu mörk. Sigurmundur Gísli Unnarsson átti góðan leik í marki ÍBV og varði 11 skot. Petar Jokanovic varði fimm skot.

Mörk ÍBV: Dagur Arnarsson 9, Kristófer Ísak Bárðarson 4, Magnús Dagur Jónatansson 3, Sigtryggur Daði Rúnarsson 3, Andri Magnússon 2, Daníel Þór Ingason 2, Jason Stefánsson 2, Sveinn José Rivera 2, Anton Frans Sigurðsson 1, Atli Steinn Arnarson 1, Haukur Leó Magnússon.

ÍBV er eftir tvo leiki í 7. sæti með tvö stig. Selfoss er í 10. sæti með núll stig.