Hjalti Kristjánsson og hans menn í KFS máttu vera verulega svekktir eftir leik sinn gegn Elliða í 8-liða úrslitum 4. deildar. Leikmenn KFS gerðu allt rétt lengst af í leiknum, sköpuðu sér fjölmörg færi en Elliði vann fyrri leik liðanna 3:0. Engu að síður tókst KFS að jafna metin snemma í síðari hálfleik, sem var sanngjarnt miðað við gang leiksins. En hættan var að Elliði næði að skora eitt mark og þá þurfti KFS tvö í viðbót. Því miður skoruðu gestirnir eitt mark, lokatölur urðu 3:1 og komst Elliði því áfram 4:3 samanlagt.