Fótboltaskóli ÍBV og Heildverslunar Karls Kristmanns verður haldinn páskavikuna 14. – 16. apríl nk. en þá verður frí í skóla sem og á æfingum. Hér er frábært tækifæri til að brjóta upp daginn fyrir krakkana sem og efla þau í fótboltanum. Styrktaraðilar skólans eru Heildverslun Karls Kristmanns sem og Vestmanneyjabær.

Í tilkynningu frá ÍBV segir að fótboltaskólinn sé fyrir krakka í 1.-8. bekk. Allir þátttakendur fá gefins páskaegg. Nákvæm tímasetning verður sett upp eftir að fjöldi þátttakenda liggur fyrir. Gera má ráð fyrir að æfingar verði á milli klukkan 10 og 15 hvern dag. Þátttakendum verður skipt upp eftir aldri.

Stjórnendur og leiðbeinendur skólans verða þjálfarar og leikmenn mfl karla. Það verður sérstök áhersla lögð á tækniæfingar og mun fjöldi þjálfara vera á hverri æfingu til að þær skili sem mestu fyrir börnin. Skráningafrestur er til 7. apríl og þau sem bóka fyrir þann tíma er tryggt páskaegg. Verð er aðeins 5.500 kr.

Þetta er tilvalin páskagjöf til krakkanna frá mömmu og pabba eða afa og ömmu. Þar sem gjöfin inniheldur þá öflugan fótboltaskóla sem og Páskaegg fyrir hátíðina. Við hvetjum ykkur því til að skrá ykkar barn hið fyrsta. Skráning fer fram á Sportabler og hægt að skrá sig hér.