Frá og með skólaárinu sem nú er að hefjast verða Hamarsskóli og Barnaskóli Vestmannaeyja reknir sem tvær rekstrareiningar í stað einnar. Þeir munu þó vinna saman áfram undir heitinu Grunnskóli Vestmannaeyja og verða áfram með sömu stefnur og áherslur. Skólinn var settur föstudaginn 23. ágúst og hófst kennsla samkvæmt stundaskrá á mánudaginn.

Eyjafréttir heyrðu í Önnu Rós Hallgrímsdóttur og Einari Gunnarssyni í nýjasta tölublaði Eyjafrétta sem kom út í byrjun vikunnar. Einar verður við stjórnvölinn í Barnaskóla og Anna í Hamarsskóla.