Tuttugasta umferð Lengjudeildar karla hófst í gærkvöldi með jafnteflisleik Grindavíkur og Þróttar R. Í dag eru svo tveir leikir. Í fyrri leik dagsins tekur Keflavík á móti ÍBV.  Liðin eru bæði í toppbaráttu. ÍBV á toppnum með 35 stig en Keflvíkingar eru í fjórða sæti 4 stigum á eftir Eyjaliðinu.

Bæði þessi lið töpuðu leikjum sínum í síðustu umferð. ÍBV lá á heimavelli gegn Aftureldingu og Keflvíkingar töpuðu gegn Þrótti. Fyrri leikur ÍBV og Keflavíkur endaði með stórsigri ÍBV 5-0 á Hásteinsvelli. Aðeins eru þrjár umferðir eftir af Lengjudeildinni og er mikil spenna fyrir lokasprettinum. Flautað er til leiks klukkan 17.30 í Keflavík í dag.

Leikir dagsins: