„Við áætlum að um 100 manns hafi mætt og gert með okkur glaðan dag. Bergrún Íris barnabókarithöfundur og teiknari var með skemmtilegt erindi,“ segir á Fésbókarsíðu Bókasafnsins um vel heppnaða uppskeruhátíð Sumarlestursins s.l. laugardag.

„Við vorum með happdrætti úr miðum fyrir hverja lesna bók í sumar, hægt var að fá ofurhetjumyndir af sér, sækja glaðning fyrir þátttökuna í sumarlestrinum og ofurhetjuperl og föndur var líka í boði. Við enduðum svo á því að gæða okkur á grilluðum pylsum og safa. Þau sem ekki komust og eiga eftir að fá glaðning geta sótt hann til okkar á bókasafnið.

Við þökkum ykkur kærlega fyrir komuna! Þetta væri ekki hægt án þátttöku ykkar og barnanna. Við erum strax farin að hlakka til næsta Sumarlesturs.“