Fyrir stuttu kynntum við Styrmir Sigurðarson hugmyndir um nýjar og betri leiðir í utanspítalaþjónustu með sérhæfðum sjúkraþyrlum á fjölmennum fundi í Vestmannaeyjum. Vegna íbúafjölgunar, fjölgunar ferðamanna og aukinnar sérhæfingar í heilbrigðisþjónustunni, sem virðist ekki vera hægt að sinna annarsstaðar en á höfuðborgarsvæðinu, er nauðsynlegt að bregðast við með því að koma sérhæfðri aðstoð sem fyrst til okkar út á land.

Heilbrigðisráðherra gefur hugmyndinni byr undir báða vængi

Síðan fundurinn var hefur mikið vatn runnið til sjávar. Við höfum til að mynda fundið fyrir mikilli hvatningu og góðum viðbrögðum en hugmyndin um sjúkraþyrluna hefur fengið afar jákvæðar viðtökur. Fjöldi aðila hefur haft samband við okkur og skiptast á upplýsingum til að fleyta málinu áfram. �?á var enn fremur fagnaðarefni þegar heilbrigðisráðherra ákvað að veita fjármagni í að gera frekari úttekt og kynningu á málinu. �?annig má segja að heilbrigðisráðherra hafi gefið hugmyndinni byr undir báða vængi.

�?ær tillögur sem við höfum unnið að undanfarið, ásamt þeim Viðari Magnússyni formanni Fagráðs sjúkraflutninga Íslands og Njáli Pálssyni formanni fagdeildar utanspítalaþjónustu hjá Landssambandi slökkviliðs- og sjúkraflutningamanna, snúa að því að fá sérstaka sjúkraþyrlu í notkun. Hugmyndir þessar taka mið af því sem gengur og gerist á hinum Norðurlöndunum. Áhöfn þyrlunnar yrðu skipuð með sérhæfðum bráðatækni og bráðalækni sem yrðu á svokallaðri staðarvakt allan sólarhringinn. �?annig verður hægt að stytta viðbragðstíma í að veita sérhæfða utanspítalaþjónustu fyrir þá sem veikjast og slasast fjarri spítölum. Eins og allir þekkja þá getur hver mínúta skipt máli.

Vilhjálmur Árnason þingmaður

-höfundur skipar 3. sæti á lista Sjálfstæðisflokksins í Suðurkjördæmi