Í kvöld klukkan 20:10 munu fulltrúar Vestmannaeyja etja kappi við lið Mosfellsbæjar í spurningar þættinum Útsvar. Þættirnir eru í beinni útsendingu hverju föstudagskvöldi. Umsjónarmenn eru Sigmar Guðmundsson og Þóra Arnórsdóttir. Dómari og spurningahöfundur er Ólafur B. Guðnason og útsendingu stjórnar Helgi Jóhannesson.

Fulltrúar Vestmannaeyja í kvöld eru:

Helgi Ólafsson
Björn Ívar Karlsson
Steinunn Einarsdóttir

Lið Mosfellsbæjar skipa.
Sigrún Hjálmtýsdóttir
Bjarki Bjarnason
Höskuldur Þráinsson

Allir eru velkomnir í sjónvarpssal til að fylgjast með útsendingu og hvetja sitt lið til dáða. Áhorfendur þurfa að vera mættir í Útvarpshúsið, Efstaleiti 1, kl. 19.45. Útsending hefst strax eftir Kastljós.