- Eyjafréttir
- ·
- Almennt
- ·
Það er enn þá sama fárviðrið hérna hjá okkur og miklar hviður sem koma niður fjöllin. Við liggjum nokkur hundruð metra frá fjörunni og samt nær að rífa upp sjó, en hann er samt mest hvítfryssandi. Það er varla óhætt að fara út og ef eitthvað fer að losna þá verður það bara að fá að losna. Mér finnst aðeins hafa bætt í þetta frá í morgun og nötrar brúin enn meira nú en þá. Það er sko ekki undir 30 metrunum hér og eru verstu hviðurnar mjög öflugar og ekki vildi ég vera úti á dekki í þeim.
Það fer samt ekkert illa um okkur hér, kokkurinn var með Norskt hreindýr í hádeginu svona rétt til að minna okkur á að jólin eru á næsta leiti. í meðlæti voru meðal annars brúnaðar kartöflur, soðið grænmeti og gular baunir. Auk þessa var hann með villibráðarsósu sem bragðaðist með afbrigðum vel og sagði hann að galdurinn væri að nota rétt hlutföll ? Ég held reyndar að þessi sósa hafi bara verið heppni og ekkert haft með hæfileika að gera. Kokkurinn virðist nefnilega alltaf standa á gati þegar maður spyr hvernig sósa sé með matnum. En hann veit hvað kokteilsósa er og er það mikill kostur í hans fari. En Himmi er samt drullu flottur og þykir mér alveg ofboðslega vænt um hann og er hann mér sem frændi eða bróðir, jafnvel sem systir. Hann er byrjaður að baka rúgbrauðið sem á að vera með saltfisknum í hádeginu á morgun og einnig byrjaður að hnoða degið í flatbökuna fyrir annað kvöld. Þá ætlum við Himmi að hafa það gott, borða góðan mat og eftirrétt og horfa svo á hinn stórskemmtilega sjónvarpsþátt Laugardagslögin. Það sést best á þessum þáttum hversu mikill metnaður er í innlendri dagskrárgerð á Rúv. Og komast aðrir miðlar eins og Stöð 2 ekki með tærnar þar sem Rúv er með hælana……. Enda með alla þjóðina í skylduáskrift auk þess að vera á fjárlögum hjá hinu opinbera. Eru þið ekki sammála ?
![20190726 162150[243632]](https://eyjafrettir.is/wp-content/uploads/2026/05/20190726_162150243632-100x100.jpg "Herjólfur með sjö ferðir til Landeyjahafnar í dag")
