Í dag, 16. september, eru þrjátíu ár liðin frá því að karlalið ÍBV varð fyrst Íslandsmeistari í knattspyrnu. Eyjamenn höfðu tvívegis áður orðið bikarmeistarar en aldrei náð að landa þeim stóra, þótt oft hafi þeir komist nálægt því. Eyjamenn fögnuðu sigri á Íslandsmótinu í stæðunum á Laugardalsvelli þar sem síðustu leikirnir fóru ekki allir fram samdægurs. Þeir tóku svo við bikarnum á vellinum og sigldu með hann með Herjólfi til Eyja þar sem mikill fjöldi tók á móti þeim á bryggjunni.