Anton Eggertsson og Róbert Agnarsson hafa keypt Krána ehf. af Kára Vigfússyni og Þórkötlu Ólafsdóttur. Nýir eigendur taka við rekstrinum um næstu mánaðamót.

Anton og Róbert reka fyrir Vöruhúsið og Vörubakarí í Vestmannaeyjum ásamt fjölskyldum sínum. Samkvæmt tilkynningu verður rekstri Kráarinnar haldið áfram með sama hætti og áður, með sama starfsfólki og sama matseðli.

Nýir eigendur segjast vonast til þess að eiga áfram farsæl viðskipti við viðskiptavini staðarins og byggja áfram á því starfi sem Kári hefur staðið fyrir undanfarin ár.

Kári og fjölskylda segjast skilja þakklát við reksturinn. Þau þakka Vestmannaeyingum og öðrum viðskiptavinum fyrir góð og farsæl viðskipti og óska nýjum eigendum velfarnaðar.