ÍBV vann verðskuldaðan sigur á Fylkismönnum í Árbænum í kvöld. Leikurinn var þó í jafnvægi í fyrri hálfleik. Afdrifaríkt atvik atvik varð eftir 30 mínútna leik, þegar Eiður Aron missti einn Fylkismanninn inn fyrir sig. Albert í markinu greip til örþrifaráða og fékk dæmt á sig víti og fékk einnig að líta rauða spjaldið, sem þýðir leikbann hjá honum gegn KR 12. sept. n.k. Elías Fannar fór fingurbrotinn í markið og Denis Sytnik fór útaf í staðinn. Fylkismenn skoruðu úr vítinu, 1-0. En fengu ekki lengi að njóta því á lokamínútu hálfleiksins jafnaði leikinn, sá mikli nagli, Þórarinn Ingi 1-1. Hann er einn alduglegasti leikmaðurinn í Pepsi deildinni, alltaf á fullu og var sárt saknað leiknum gegn Grindavík um síðustu helgi.