Héraðsdómur Suðurlands hefur dæmt tvo karlmenn um tvítugt í skilorðsbundið fangelsi fyrir tvær líkamsárásir utan við íþróttahúsið í Þorlákshöfn í febrúar á síðasta ári.

Þeir voru einnig dæmdir til að greiða öðrum manninum, sem þeir réðust á, 311.850 krónur í bætur auk málskostnaðar.

Annar var talinn hafa átt þátt í báðum árásunum og var hann dæmdur í 3 mánaða skilorðsbundið fangelsi. Hinn átti aðild að annarri árásinni og var dæmdur í 2 mánaða skilorðsbundið fangelsi.