Í kvöld fer fram undankeppni í Stíl 2008 en Stíll er hárgreiðslu- förðunar og fatahönnunarkeppni félagsmiðstöðva landsins. Þema keppninnar í ár er framtíðin en níu lið eru skráð til keppni í Vestmannaeyjum. Vinningsliðið mun vinna sér sæti í aðalkeppninni sem fer svo fram í Smáranum 22. nóvember. Undankeppnin í Eyjum verður haldin í sal Barnaskólans og er öllum opin. Sýningin sjálf hefst klukkan 18.30 en hér að neðan má sjá dagskrá kvöldsins.