Ágúst Emil Grétarsson er 12 ára gamall Eyjapeyi með mikla hæfileika. Þrátt fyrir ungan aldur, er Ágúst Emil búinn að semja nýtt þjóðhátíðarlag sem heitir Í Dalnum með þér. Ágúst lét sér ekki nægja að semja lag og texta, heldur fékk hann Eyjahljómsveitina Tríkot til að spila lagið í upptökum í gær hjá Árna Óla í Island Studios. Lagið var svo frumflutt á Gufunni, þjóðhátíðarútvarpi Eyjamanna í dag en lagið má heyra hér að neðan. Um er að ræða hið fínasta þjóðhátíðarlag sem mun án efa vera kyrjað í Herjólfsdal um helgina.