Eyjamaðurinn Hermann Hreiðarsson fór fyrir sínu liði í góðum sigri á Sheffield United í ensku B-deildinni á laugardag. Hermann þótti einn besti leikmaður vallarins enda skoraði hann sigurmark Portsmouth í 1:0 sigri liðsins. Portsmouth siglir nokkuð lygnan sjó um miðja deild en gæti með smá heppni blandað sér í baráttuna um umspilssæti í vor. Myndband af marki Hermanns má sjá hér að neðan en þetta var fyrsta mark hans síðan í desember 2009.