Leikmenn meistaraflokks karla í fótbolta standa fyrir stuðningsmannakvöldi í Reykjavík laugardaginn 19. mars. Kvöldið fer fram í veislusal Hótel Cabin í Borgartúni á 7. hæð. Boðið verður upp á glæsilega 3 rétta máltíð. Veislustjórn verður í höndum Páls Magnússonar, ræðumaður kvöldsins verður engin annar en sjálfur Hemmi Gunn, sem lofar góðum sögum af Eyjamönnum. Bræðurnir Ingó og Gummi Þórarinssynir taka nokkur lög. Leikmenn ÍBV verða á svæðinu og sjá til þess að allir fari sáttir heim.