Nú er orðið ljóst að Herjólfur mun ekki sigla upp í Landeyjahöfn á föstudaginn. Vonir stóðu til að hægt yrði að opna höfnina næsta föstudag en Siglingastofnun ætlaði að gefa út tilkynningu hvort það væri hægt eða ekki, síðdegis í dag. Eimskip tók hins vegar ómakið af þeim en þeim farþegum sem áttu pantað með Herjólfi til og frá Landeyjahöfn á föstudag, var tilkynnt að skipið myndi sigla til Þorlákshafnar.