Kvennalið ÍBV leikur gegn Val í úrslitaleik Eimskipsbikarsins á morgun, laugardag klukkan 13:30. ÍBV hefur ekki leikið í úrslitum síðan 2006 þegar liðið tapaði fyrir Haukum 29:25 en síðast vann ÍBV bikarkeppnina 2004, eftir sigur á Haukum 35:32. Vals­liðið er gríðarlega sterkt, með landsliðsmenn í hverju rúmi og líklega reikna flestir með sigri Valsliðsins. Valur hefur verið í bikarúrslitum síðustu þrjú ár, tapaði síðustu tveimur gegn Fram og ætlar sér vafalaust að ná bik­arnum í þriðju tilraun.