Í grein á netsíðu Eyjafrétta 21. mars sl. „Ófært fyrir öll skip í vetur“ er vitnað í graf sem Guðlaugur Grettisson, rekstrarstjóri Eimskips, hefur tekið saman. Þar er að finna ýmislegt athyglisvert. Vissulega hefur það sem af er þess­um vetri verið erfitt er varðar veður og sjólag undan suðurströnd lands­ins. Sífellt hefur gengið á með ill­viðrum og sjógangi í samræmi við það. Eins og vitað er hefur lítið sem ekkert verið siglt í Landeyjahöfn frá því í byrjun október til þessa, eða ca. 75 ferðir af ca. 700 ferðum sem hefði átt að fara ef „full nýting“ hefði verið á höfninni.