Það er vel þekkt að rómantíkin blómstrar á þjóðhátíð í Vestmannaeyjum. Fjölmargir kyssa fyrsta kossinn, eignast fyrsta kærastann eða kærustuna eða hitta framtíðarmaka sinn í Dalnum. Í ár, eins og í fyrra reyndar, bar ungur maður upp bónorðið í brekkunni undir rauðum glampa 138 blysa og með 14 þúsund vitni. Í kjölfarið stígur svo Hreimur Heimisson á svið og syngur Lífið er yndislegt fyrir turtildúfurnar og aðra þjóðhátíðargesti. Meiri verður rómantíkin varla en hægt er að sjá myndband af bónorðinu hér að neðan.