Kvótakerfi í fisk­veiðum var komið á af nauðsyn. Því miður hefur ekki ennþá tekist að breyta fyrsta bráðabirgðakerfinu í langtímakerfi. En það er hægt og það er gríðarlega mikilvægt að það verði gert.

Nýafstaðin þjóðaratkvæðageiðsla um ákvæði í nýrri stjórnarskrá sýnir að yfirgnæfandi meirihluti þjóðar­innar vill tryggja þjóðareign á auð­lindum. Fólk gerir sér grein fyrir því að yfirráð yfir auðlindum eru mikilvægasta sjálfstæðismál þjóð­arinnar. Á þeim hvílir efnahagur okkar og þess vegna þarf bæði að vernda þær og nýta í senn. Munur­inn á þjóðareign og ríkiseign er að þjóðareignir er ekki hægt að selja eða veðsetja, heldur aðeins að semja um nýtingarrétt á þeim.