Eyjafréttir hafa opnað nýjan og endurbættan fréttavef, Eyjafréttir.is. Vefurinn er hannaður með það í huga að virka vel á öllum tækjum sem notuð eru til vefráps, hvort sem um er að ræða snjallsíma, spjaldtölvu, borðtölvu eða fartölvu. Á komandi vikum býðs áskrifendum jafnframt að nálgast vikublað Eyjafrétta á vefsíðunni. Sæþór Vídó, grafískur hönnuður og starfsmaður Eyjafrétta hannaði síðuna en fyrirtækið Smartmedia sér um forritun og hýsingu síðunnar. Ritstjóri bæði Eyjafrétta og Eyjafrétta.is er Júlíus G. Ingason.

Eyjafréttir flytja fréttir sem snúa með einum eða öðrum hætti að Vestmannaeyjum en þar má einnig finna mikið magn ljósmynda og myndbönd frá hinum ýmsu viðburðum.