Á morgun, miðvikudag, er Olweusardagur í Grunnskóla Vestmannaeyja þar sem unnið verður áfram með sáttmála gegn einelti sem kynntur var fyrir ári síðan. Skólinn okkar er ekki eyland og langar okkur fá allt samfélagið til að taka afstöðu gegn einelti á ábyrgan hátt. �?llum bæjarbúum sem eiga heimangengt er boðið að koma í skrúðgöngu með nemendum og starfsfólki Grunnskóla Vestmannaeyja á morgun, miðvikudag, og taka þannig undir sáttmálann. Gangan hefst við Hamarsskóla kl.10:30, gengið verður að Landakirkju þar sem nemendur í Barnaskólanum slást í för. Fólk getur komið inn í gönguna á hvorum staðnum sem er, eða þegar við röltum niður Skólaveg og framhjá Ráðhúsinu. Við förum síðan lítinn rúnt um miðbæinn og endum á Stakkó.

Að göngu lokinni munu nemendur kynna sáttmálann í fyrirtækjum og stofnunum og skilja eftir verkefni.

f.h. GRV

Helga Tryggva, verkefnisstjóri Olweusaráætlunarinnar í GRV.