Opinn kynningarfundur á föstudag
Í mars á næsta ári fagnar Slysa­varnadeildin Eykyndill 85 ára afmæli sínu. Í tilefni af þessum tímamótum hefur verið ákveðið að halda opinn kynn­ingar­fund föstudaginn 18. októ­ber nk. þar sem starfsemi félagsins og dagskrá vetrarins verður kynnt bæði fyrir Eykynd­ilskonum og væntanlegum nýjum félögum. Að auki munu hinir ýmsu aðilar, sem selja vörur í heimahúsum hér í bæ, verða með stutta ­kynningu á sínum vörum.
Samkvæmt því sem Elísa Elías­dóttir, formaður félagsins segir, var stefnt á það í haust að allar kvenna­deildir innan Landsbjargar héldu opinn kynning­arfund með stuðningi frá Lands­björgu en þegar það gekk ekki ákváðu Eykyndilskonur að halda ótrauðar áfram og útvíkka �??kynn­ingar�?? hugtakið með því að bjóða nokkrum kynningaraðilum í Vestmannaeyjum á fundinn. Ekki verður um eiginlegar kynningar að ræða heldur verða vörurnar til sýnis og kynningaraðilinn mun halda stutta tölu um vörur sínar og hvernig má nálgast þær.
Grímur kokkur ætlar að bjóða konum upp á humarsúpu og boðið verður upp á brauð með henni og svo eitthvað sætt á eftir en drykkjarföng kemur hver með fyrir sig. Reynt verður þó að sjá til þess að engin kona verði þyrst.
�?ær sem verða með kynningar eru Aðalheiður Pétursdóttir með AP-Skart, Berglind Smáradóttir með FM vörurnar, Íris Jónsdóttir með Zinzino, Karen Inga �?lafsdóttir með Active, Lilja �?lafsdóttir með Tuppiware, Sigríður Stefánsdóttir með vörur frá Tótal, og Elísa Elíasdóttir mun kynna starfsemi Eykynd­ils í fortíð, nútíð og framtíð.
Kynningarfundurinn verður haldinn í Básum, félagsheimili Eykyndils, föstudaginn 18. október. Húsið verður opnað kl. 20 en dagskráin byrjar kl. 20:30. Að­gangur er ókeypis og allar konur eru vel­komnar.

Nýjustu fréttir

Íþróttir
Spáð í spilin fyrir stórleikinn í kvöld á EM
Myndband
Tíðarandi liðinna ára í myndum í Sagnheimum
Aðsend grein
Handbolti, loðnukvóti og prófkjör
Úr blaði Eyjafrétta
Áskorun til Vestmannaeyinga 
Fréttir
Skipar sjö manna fagráð
Íþróttir
Skráning stendur yfir í Lífshlaupið
Íþróttir
Foreldrar Elliða stolt á leið til Danmerkur
Samgöngur
Dýpi ekki nægjanlegt í Landeyjahöfn — Herjólfur fer til Þorlákshafnar
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.