�??Maður þarf að hafa breitt bak og mikla reynslu til að komast í gegnum þetta. �?g myndi ekki ráðleggja neinum að hefja atvinnuferilinn hérna í Tyrklandi. En ég vildi fá smáævintýri áður en ég myndi flytja heim og það hefur orðið raunin. �?tli maður komi ekki til með að eiga margar sögur frá Tyrklandi fyrir barnabörnin,�?? segir Gunnar Heiðar �?orvaldsson, landsliðsmaður í knattspyrnu og leikmaður Konyaspor í Tyrklandi, sem hefur lítið fengið að spreyta sig undanfarnar vikur.

Gunnar var keyptur til Konyaspor frá Norrköping í Svíþjóð í haust og fór vel af stað, spilaði fyrstu þrjá leikina með liðinu sem er nýliði í úrvalsdeildinni í Tyrklandi. Hann varð fyrir meiðslum í kjölfarið, þegar hann var með landsliðinu í undirbúningi fyrir leikina við Albaníu og Sviss í september. Eftir það hefur bekkjarseta verið hlutskiptið og Eyjamaðurinn hefur aðeins komið við sögu í 10 mínútur í síðustu sex leikjum, og var ekki í hópnum í síðasta leik, gegn Didier Drogba og félögum í Galatasaray á föstudaginn.

Viðtalið birtist í heild sinni í Morgunblaðinu.