Jökull I Elísabetarson, 29 ára gamall miðjumaður mun skrifa undir þriggja ára samning við ÍBV klukkan 16:00 í dag. Jökull er uppalinn KR-ingur og spilaði m.a. um tíma með þjálfara ÍBV, Sigurðir Ragnari Eyjólfssyni hjá vesturbæjarliðinu og fögnuðu m.a. Íslandsmeistaratitli með félaginu 2002 og 2003. Jökull hefur auk þess leikið með Víkingi Reykjavík og í fyrra var hann lánaður tímabundið í KV. Jökull lék sex leiki með Breiðabliki í Íslandsmótinu í sumar og þrjá leiki í bikarkeppninni. Hann á að baki 4 leiki með U-21 árs landsliðinu, 6 með U-19 ára landsliðinu og 7 með U-17 ára landsliðinu en alls á hann að baki tæplega 200 meistaraflokksleik í deild og bikar og hefur skorað í þeim átta mörk.