�??Vil endilega láta alla vini mína vita af þessu frábæra kvöldi þ.e. fimmtudeginum 19. nóvember nk. en þá verður hið einstaka Kótelettukvöld haldið hér í Eyjum. Munið að skrá ykkur og borga staðfestingargjaldið og þá eru þið inni,�?? segir kótelettukóngurinn Pétur Steingrímsson á Fésbókarsíðu sinni.

Hann átti hugmyndina að Kótelettukvöldinu á Háaloftinu á síðasta ári sem heppnaðist frábærlega og nú er lagt upp með að gera enn betur. �??Kótelettukvöldin eru að ryðja sér til rúms um allt land og eru mjög vinsæl. Ástæðan fyrir því að ég fór af stað með þetta er að mér finnst kótelettur góðar, með Oragrænum, rauðkáli og rabbabarasultu. Snorri Jónsson verður veislustjóri eins og fyrra. Mun hann nú eins og þá segja eina sögu á móti hverri sem kemur úr sal,�?? segir Pétur og lofar skemmtilegu kvöldi.

Aðgangseyrir er 4500 krónur sem er sama verð og í fyrra. �??Fólk er beðið um að tilkynna komu sína á Fésbókarsíðu Kótelettuklúbbsins og borga miðana fyrir 15. nóvember með því að leggja inn á reikninginn okkar til að hægt verði að panta hráefni miðað við fjölda. �?úsund krónur af hverjum miða fara í styrktarsjóð Lions í Vestmannaeyjum,�?? sagði Pétur og hvetur hann fólk til að fjölmenna.