- Eyjafréttir
- ·
- Fréttir
- ·
�?tboð á ræstingu og hár- og fótsnyrtingu :: Alþrif, ISS, Silvía Björk og Aníta Sif sendu inn tilboð
Í fjölskyldu og tómstundaráði voru kynnt tilboð í ræstingu á Hraunbúðum ásamt útboðum á hársnyrtingu og fótsnyrtingu.
Alls bárust þrjú tilboð frá tveimur aðilum í ræstinguna. Alþrif sendi inn eitt tilboð upp á 1.494.916 kr. á mánuði án VSK. ISS sendi inn tvö tilboð. Fyrra tilboðið hljóðar upp á 1.335.222 kr. á mánuði án VSK en síðara upp á 1.122.832 kr. Kostnaðaráætlun ársins 2016 er 1.134.667 kr. á mánuði. Verið er að fara yfir tilboðin og ákvörðun tekin á næstu dögum hvaða tilboði verði tekið.
Eitt tilboð barst í hársnyrtingu á Hraunbúðum en það var frá Silvíu Björk Birkisdóttur hársnyrti. Eitt tilboð barst í fótsnyrtingu en það var frá Anítu Sif Vignisdóttur löggiltum fótaaðgerðarfræðingi og meistara í snyrtifræði. Bæði tilboðin uppfylla forsendur útboðs og verður gengið til samninga við viðkomandi aðila.
