ÍBV vann nokkuð sannfærandi sigur á HK í uppgjöri bestu liða í B-riðli 2. deildar karla í körfubolta. Liðin áttust við í Eyjum í gær en HK hafði fyrir leikinn ekki tapað leik og ÍBV aðeins tapað fyrir HK. Eyjamenn voru mun sterkari en gekk þó illa að hrista gestina af sér. Þannig náði ÍBV 23 stiga forystu í upphafi 2. leikhluta en staðan íh álfleik var hins vegar aðeins 42:38. En Eyjamenn kiknuðu ekki undan álaginu og unnu að lokum með 20 stigum, 86:66.