Vel heppnuð óvissuferð fimm ára deildarinnar
Síðastliðin fimmtudag fóru krakkarnir á Víkinni í óvissuferð í tilefni af því, að brátt munu þau útskrifast af leikskólanum og halda í Grunnskóla Vestmannaeyja.
Krakkarnir mættu öll með dósir að heiman og byrjuðu ferðina í Endurvinnslunni, þar sem að þau fengu pening fyrir dósirnar sem þau skiluðu inn. Ferðin í Endurvinnsluna vakti mikla lukku hjá krökkunum, enda ekki á hverjum degi sem maður fær pening á leikskólanum. Godthaab í Nöf var einnig heimsótt og þar fengu krakkarnir að kynnast starfsemi fyrirtækisins. Síðan var kíkt í heimsókn á lögreglustöðina, leikhúsið og farið í leiki á Stakkagerðistúni. Í hádeginu var haldið í Alþýðuhúsið þar sem að Vöruhúsið gaf öllum pizzu og svala. Eftir matinn kom rúta og sótti hópinn og haldið var í heildverslun Karls Kristmanns, þar sem að krakkarnir fengu að skoða sig um og fengu íspinna. Dagurinn vakti mikla lukku hjá börnum, sem voru svo leyst út með flottum gjöfum þegar komið var aftur á Víkinna, frá Tryggingamiðstöðinni, Landsbankanum, Landflutningum/Samskip, Sjóvá, heildverslun Karls Kristmanns, Íslandsbanka og VÍS. Starfsfólk Víkinnar vildi koma á framfæri kærum þökkum til fyrirtækjana sem gáfu gjafirnar og þá sérstaklega Vöruhúsins fyrir matinn og drykkina.
Við fengum þau Aron Inga, Lovísu Ingibjörgu og Söru Björk til þess að segja okkur hvað þeim fannst skemmtilegast í ferðinni.

Aron Ingi Sindrason
Hvað fannst þér skemmtilegast í óvissuferðinni : Mér fannst skemmtilegast að skoða fiskana.
Ertu orðin spenntur að fara í skóla : Já ég hlakka mjög mikið til, ég hlakka samt mest til að læra og borða nesti.

Lovísa Ingibjörg Jarlsdóttir
Hvað fannst þér skemmtilegast í óvissuferðinni : Mér fannst skemmtilegast að skoða fiskana þótt ég hafi verið svolítið hrædd.
Ertu orðin spennt að fara í skóla : Já, mjög spennt. Hlakka mest til að læra að lesa og fara út i frímínútur

Sara Björk Bjarnadóttir
Hvað fannst þér skemmtilegast í óvissuferðinni : Skemmtilegast fannst mér að fá ís og skoða fiskana
Ertu orðin spennt að fara í skóla : Mjög spennt að byrja í skólanum, ég hlakka mest til að byrja að lesa og læra.

Nýjustu fréttir

Fréttir
Terra fær ekki samþykktar breytingar á gjaldskrá
Íþróttir
ÍBV og FH skiptu með sér stigunum
Aðsend grein
Stærstu viðskiptafréttir í sögu Vestmannaeyja
Úr blaði Eyjafrétta
Pétur Bjarna, Eyjamaður og sjávarútvegsfræðingur
Íþróttir
Frábæru Orkumóti lokið – FH varð Orkumótsmeistari
Íþróttir
ÍBV sækir botnlið FH heim
Samgöngur
Breytt siglingaáætlun Baldurs næstu daga
Aðsend grein
Áfram ÍBV
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.