19 nemendur vantaði í Pisa-könnun Eyjamanna

Eyjafréttir
·
Fréttir
·
1. mars 2017

Tæplega tveggja mánaða bið Eyjamanna eftir endanlegri niðurstöðu úr Pisa-könnuninni lauk í dag. Hún var þó ekki alveg eins og við var að búast því af þeim 55 nemendum sem tóku prófið voru aðeins niðurstöður 36 nemenda notaðar – niðurstöður 19 nemenda vantaði. Framkvæmdastjóri fjölskyldu og fræðslusviðs hjá Vestmannaeyjabæ segist hafa orðið kjaftstopp þegar hann sá þetta í dag. Ruv.is greindi frá.

Pisa-könnunin og framkvæmd hennar hefur verið nokkuð umdeild en niðurstöður hennar sýndu að Ísland væri undir meðaltali OECD-ríkja í þremur helstu þáttunum. Og að færni nemenda í 10. bekk í náttúrufræði, stærðfræði og lestri hefði hrakað frá árinu 2006.

Eyjamenn segjast hafa beðið eftir endanlegum niðurstöðum úr Pisa-könnuninni í tæpa tvo mánuði. Í gær samþykkti fræðsluráð bæjarins nokkuð harðorða bókun þar sem Menntamálastofnun var gagnrýnd. Bærinn hefði fengið niðurstöður með röngum fjölda nemenda og ítrekað óskað eftir skýringum.

�??Könnunin tekur tíma frá hefðbundnu skólastarfi og umræða um almennar niðurstöður PISA á landsvísu valda oft sterkum viðbrögðum sem eru þá skólastarfi fremur til truflunar en til uppbyggingar skólastarfs og skólaþróunar ef slík vinnubrögð með niðurstöður einstakra sveitarfélaga eru viðhöfð,�?? segir í bókun ráðsins.

En niðurstöðurnar komu svo í dag og þær virðast hafa vakið upp fleiri spurningar en svör ef marka má viðbrögð Jóns Péturssonar, framkvæmdastjóra fjölskyldu og velferðarsviðs. �??�?að eru 72 nemendur í þessum árgangi. Tíu fengu undanþágu og það ætluðu því 62 að taka prófið,�?? útskýrir Jón.

Vegna veðurs gekk illa að leggja prófið fyrir nemendur og þegar það tókst loksins í þriðju tilraun mættu 55 nemendur. �??En það voru bara notaðar niðurstöður hjá 36 nemendum. �?að vantar niðurstöður hjá 19 nemendum og maður hlýtur þá að setja spurningarmerki við af hverju við eigum að taka þátt �?? segir Jón. �??�?g varð eiginlega kjaftstopp þegar ég sá þetta í dag,�?? bætir hann við.

Jón segir að skýringar Menntamálastofnunar á þessu hafi verið þær að einhver vandamál hefðu verið með skrárnar sem vistuðu prófniðurstöður fyrir 19 þátttakendur og því hefðu aðeins 36 gild svör úr skólanum ratað í alþjóðlega gagnagrunninn. �?etta væru því tæknilegar ástæður sem tengdust á engan hátt fyrirlögn á prófinu né framkvæmdinni hér á landi.

Nýjustu fréttir

Íþróttir

Eyjakonur töpuðu heima gegn Breiðablik

Menntamál

Þétt setinn skóli þegar haustönn hefst

Myndband

Heimaklettur í allri sinni dýrð – en gönguleiðin bíður enn úrbóta

Fréttir

Fjögur lið frá ÍBV tóku þátt á Norðurálsmótinu

Íþróttir

Stórleikur á Hásteinsvelli í kvöld

Íþróttir

Þriðji sigur ÍBV í röð kom gegn Stjörnunni

Fólkið

Bergmál á Þingvöllum sló í gegn

Íþróttir

Mikilvæg stig í húfi þegar Stjarnan kemur til Eyja

Mest lesið

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Nýjustu fréttir

Góð ráð fyrir siglingu

Sjóveiki