�?jónusta við börn er fjárfesting til framtíðar. �?etta var yfirskriftin á nýrri frétt á heimasíðu Vestmannaeyjabæjar í síðustu viku. En þar kemur einnig fram að Vestmannaeyjabær hefur á seinustu árum lagt mikla áherslu á að bæta þjónustu við börn og barnafjölskyldur eftir því sem við verður komið.

Vestmannaeyjar eru eitt af þeim tveimur bæjarfélögum sem bjóða uppá heimagreiðslur.

�?jónusta dagforeldra er nú niðurgreidd frá 9 mánaða aldri auk þess sem í boði eru heimagreiðslur til foreldra sem nýta sér ekki þjónustu dagforeldra. Vestmannaeyjar eru eitt af tveimur bæjarfélögum á Íslandi sem bjóða uppá slíkar greiðslur. Jón Pétursson, framkvæmdastjóri fjölskyldu- og fræðslusviðs Vestmannaeyja sagði í samtali við Eyjafréttir að foreldrar á milli 20 til 30 barna fengu heimagreiðslu frá janúar til ágúst, en misjafnt eftir mánuðum. �??�?að eru færri börn nú í september þar sem mörg þeirra sem áður fengu greiðslu eru komin til dagforeldris eða í leikskóla. �?g á von á því að fjöldinn verði á milli 10 til 20 fram að áramótum.�??

Strönd opnar þegar önnur dagforeldraúrræði eru fullnýtt

Í Vestmannaeyjum eru þrír dagforeldrar starfandi með alls 15 börn. Ein umsókn liggur fyrir um að gerast dagforeldri og getur viðkomandi tekið að sér fjögur börn til að byrja með. Til að mæta umfram þörf fyrir daggæslu verður dagforeldraúrræði á vegum Vestmannaeyjabæjar einnig opnað á Strönd þegar önnur úrræði eru fullnýtt.

Stefnt er að því að taka nokkur börn inn á leikskóla í janúar 2018 að því er Jón sagði Eyjafréttum.

Leikskólinn Kirkjugerði er þegar orðin fullnýttur.

Leikskólar eru fyrsta skólastigið og mikilvægt að því sé sinnt af kostgæfni. Leikskólar eru fyrsta skólastigið og mikilvægt að því sé sinnt af kostgæfni. Í dag eru 87 börn á Kirkjugerði og 94 börn á Sóla. Að auki eru 39 börn á Víkinni. Samtals eru því 220 börn í leikskólum sveitarfélagsins. Markmið sveitarfélagsins er að öll börn sem orðin eru 18 mánuða gömul 1. september ár hvert komist í leikskólapláss. Ekkert barn 18 mánaða eða eldra er á biðlista eftir leikskólaplássi í dag en í janúarlok verða þau orðin fimm og þrjú bætast við í febrúar, samtals 8 börn í febrúarlok.

Kröfur og væntingar foreldra til daggæslu eru í sífelldri þróun og mikilvægt fyrir Vestmannaeyjabæ að vera ætíð vakandi hvað það varðar. Meðal annars á þeim forsendum hefur Vestmannaeyjabær nú til skoðunar að fjölga inntökutímabilum barna til að freista þess að sem minnst frávik séu frá því að 18 mánaða börn komist inn á leikskóla.

Vestmannaeyjabær hefur fyrir nokkru hafið undirbúning að framkvæmdum við stækkun Kirkjugerðis um eina deild á næstu vikum og er markmiðið að þeim framkvæmdum verði lokið í vor. Með tilkomu nýrrar deildar verður auðveldara að taka börn inn í leikskóla oftar yfir árið en nú er og fækka þar með frávikum frá 18 mánaða viðmiðinu. Með því verður biðtími foreldra eftir leikskólaplássi enn styttur frá því sem nú er.

Að lokum ber þess að geta að vegna verðtryggingar gjaldskrá Vestmannaeyjabæjar hafa gjaldskrár leikskóla hækkað umfram stefnu sveitarfélagsins. Í samræmi við fordæmi og orð meirihlutans í bæjarstjórn má fastlega búast við að tekin verði ákvörðun um lækkun þessara gjalda á næsta fundi fræðsluráðs.