Vestmannaeyjabær tekur við rekstri á ferjusiglingum milli lands og eyja þegar nýtt skip verður tekið í notkun næsta sumar. �?etta kom fram í kvöldfréttum Stöðvar tvö í kvöld. Samgönguráðherra gerir ráð fyrir að gengið verði frá samkomulagi þess efnis á næstu dögum.

Eimskip hefur séð um rekstur Herjólfs undanfarin ár með aðkomu Vegagerðarinnar. Til stendur að taka nýtt skip í gagnið í júní á næsta ári. Jón Gunnarsson samgönguráðherra sagði í fréttinni að búið væri að vinna að því undanfarnar vikur að Vestmannaeyjabær tæki við rekstrinum. �?að sé nú í lokavinnslu. Gert sé þá ráð fyrir að reksturinn verði á ábyrgð Vestmannaeyjabæjar og bærinn fái þá fjármuni sem hafi fylgt þessu frá ríkissjóði í gegnum Vegagerðina.