- Eyjafréttir
- ·
- Fréttir
- ·
Refurinn, Fjallvegahlaup og Ljóðsafn Tómasar
Í fyrra var ákveðið að feta þá leið við bókakynningar í Safnahúsi um Safnahelgi að velja jafnan eitt öflugt bókaforlag sem væri að gefa út fjölbreyttan bókakost þannig að sem flestir finndu nokkuð við sitt hæfi. Að þessu fáum við í heimsókn Sölku sem er í eigu og rekstri ungra og metnaðargjarnra kvenna. Dögg Hjaltalín, annar eigandi Sölku, mun kynna bókaforlagið og taka með sér höfundana Sólveigu Pálsdóttur, Stefán Gíslason og Sölva Björn Sigurðsson. Kynningin og upplesturinn verður í Safnahúsi frá klukkan eitt til þrjú á laugardaginn.
Refurinn �?? Sólveig Pálsdóttir
Guðgeir starfar tímabundið sem öryggisvörður á Höfn í Hornafirði á meðan hann jafnar sig á áföllum í starfi og einkalífi. Líf hans hefur tekið algjörum stakkaskiptum á stuttum tíma. Áður var hann hamingjusamlega giftur fjölskyldufaðir og farsæll yfirmaður í rannsóknarlögreglunni en nú reynir hann að láta dagana líða hjá og láta lítið á sér bera.
Forvitni Guðgeirs er vakin og hann dregst inn í óvænta atburðarás þegar ung erlend kona hverfur sporlaust. �?að er engu líkara en að hún hafi aldrei verið til.
Inni í Lóni býr kona með fullorðnum syni sínum. Hvaða óhugnaður býr í einangruninni?
Refurinn er fjórða glæpasaga Sólveigar Pálsdóttur. Fyrri bækur hennar hafa fengið lofsamlega dóma og tvær þeirra hafa verið gefnar út í �?ýskalandi.
Fjallvegahlaup �?? Stefán Gíslason
Fjallvegahlaup hefur að geyma lifandi leiðarlýsingar 50 fjallvega víðs vegar um landið auk veglegs undirbúningskafla og fjölda góðra ráða. Leiðirnar er hægt að hlaupa eða ganga, allt eftir getu hvers og eins og eru af ýmsum toga. �?að sem leiðirnar eiga sameiginlegt er að þær eru allar 9 kílómetrar eða lengri, ná að minnsta kosti 160 metra hæð yfir sjó og tengja saman tvö byggðarlög eða áhugaverða staði. Leiðirnar geta verið fornar göngu- eða reiðleiðir eða fáfarnir bílvegir (F-vegir). Hverri leið fylgir ítarleg leiðarlýsing, kort og GPS-hnit, aragrúi ljósmynda og upplýsingar um staðarhætti og aðstæður. �?ar að auki má finna mikinn sögulegan og landfræðilegan fróðleik um þær leiðir sem hlaupið eða gengið er hverju sinni.
Stefán Gíslason er umhverfisfræðingur sem ákvað á fimmtugsafmæli sínu að hlaupa 50 fjallvegi fyrir sextugt.
Ljóðasafn Tómasar Guðmundssonar
Tómas Guðmundsson er eitt ástsælasta ljóðskáld Íslendinga. Hann gaf út fyrstu ljóðabók sína, Við sundin blá, 24 ára gamall en útgefnar ljóðabækur hans áttu eftir að verða fimm talsins og birtast þær hér saman í einni bók. �?ekktasta ljóðabók Tómasar er án efa Fagra veröld sem sló eftirminnilega í gegn og gerði Tómas að þjóðskáldi í einni svipan.
Ljóðheimur Tómasar er heimur fegurðar, samræmis og rómantíkur en ljóð hans eru einnig jarðbundin, ákveðin, kímin, háðsk og ort með gífurlegri nákvæmni. Tómas er iðulega nefndur Reykjavíkurskáldið enda var höfuðborgin yrkisefni hans í mörgum ljóðanna.
Ljóðabækur Tómasar hafa lengi verið ófáanlegar en koma nú fyrir sjónir lesenda í nýjum búningi með formála eftir Sölva Björn Sigurðsson.
Kynningin í Vestmannaeyjum verður í höndum Sölva Björns en hann hefur skrifað skáldsögur og ljóð og unnið við þýðingar.
