Ís­lenska ríkið skaðabóta­skylt gagn­vart Ísfé­laginu

Hæstirétt­ur Íslands hef­ur dæmt ís­lenska ríkið skaðabóta­skylt gagn­vart út­gerðunum Hug­in og Ísfé­lagi Vest­manna­eyja. Snýr Hæstirétt­ur þar með við sýknu­dóm­um Héraðsdóms Reykja­vík­ur. Ráðgjaf­ar- og end­ur­skoðun­ar­fyr­ir­tækið Deloitte tel­ur hagnaðarmissi fé­lag­anna nema rúm­um 2,6 millj­örðum króna, mbl.is greindi frá.

Útgerðarfé­lög­in kröfðust viður­kenn­ing­ar á skaðabóta­skyldu ís­lenska rík­is­ins vegna fjár­tjóns sem fé­lög­in töldu sig hafa orðið fyr­ir með því að fiski­skip­um þeirra hefði á grund­velli reglu­gerða verið út­hlutað minni afla­heim­ild­um á mak­ríl árin 2011 til 2014 en skylt hefði verið sam­kvæmt lög­um.

Í tveim­ur aðskild­um dóm­um Hæsta­rétt­ar, sem féllu í dag, kem­ur fram að þegar ráðherra setti sér­stak­ar regl­ur um stjórn veiða ís­lenskra skipa, á grund­velli 5. mgr. 4. gr. laga nr. 151/​1996 um fisk­veiðar utan lög­sögu Íslands, hafi gilt al­menn ákvæði lag­anna um út­hlut­un afla­heim­ilda eft­ir því sem við gæti átt nema á ann­an veg væri mælt í lög­um, en svo hefði ekki verið. Var því talið að með umþrætt­um reglu­gerðum hefði verið tek­in ákvörðun um að tak­marka heild­arafla úr mak­ríl­stofn­in­um án þess að ákv­arða afla­hlut­deild fiski­skip­anna miðað við veiðireynslu þeirra í mak­ríl. Því voru viður­kenn­ing­ar­kröf­ur út­gerðarfé­lag­anna tekn­ar til greina.

Hagnaðarmiss­ir Ísfé­lagsins var tal­inn nema um 2,3 millj­örðum króna
Í dóm­un­um kem­ur fram að út­gerðarfé­lög­in hafi farið þess á leit við Deloitte að það reiknaði út fjár­tjón vegna þess að afla­heim­ild­ir fé­lag­anna hefðu verið skert­ar með reglu­gerð.

Hagnaðarmiss­ir Ísfé­lags Vest­manna­eyja var tal­inn nema um 2,3 millj­örðum króna vegna skerðing­ar afla­heim­ild­anna sam­kvæmt niður­stöðu Deloitte. Í til­viki út­gerðarfé­lags­ins Hug­ins var hagnaðarmiss­ir­inn tal­inn vera um 365 millj­ón­ir króna. Hæstirétt­ur dæmdi út­gerðarfé­lög­un­um eng­ar bæt­ur enda voru mál­in ein­ung­is höfðuð sem viður­kenn­ing­ar­mál. Bú­ast má því við að skaðabóta­mál verði höfðuð í kjöl­far dóms­ins.

Í dómsorði er það „viður­kennt að stefndi, ís­lenska ríkið, ber skaðabóta­ábyrgð á því fjár­tjóni sem áfrýj­andi [Hug­inn ehf. og Ísfé­lag Vest­manna­eyja hf.] kann að hafa beðið […] með ákvörðunum Fiski­stofu, sem tekn­ar voru á grund­velli reglu­gerða, út­hlutað minni afla­heim­ild­um en skylt var sam­kvæmt lög­um nr. 151/​1996 um fisk­veiðar utan lög­sögu Íslands.“

Nýjustu fréttir

Fréttir
Karlar hvattir til að sýna handverk
Stjórnmál
Guðbrandur Einarsson segir af sér þingmennsku
Áhugavert
Mikill áhugi á Eyjagöngum
Aðsent
Saltfisksala hjá meistaraflokkum ÍBV
Íþróttir
ÍBV með mikilvægan sigur á ÍR
Fréttatilkynning
Kveikjum neistann: Jákvæðar vísbendingar
Aðsend grein
Hvattning til Eyjamanna
Vestmannaeyjabær
Heilsuefling starfsfólks fær aukið vægi
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.