Þjóðlendukröfur íslenska ríkisins voru á dagskrá bæjarstjórnarfundar í vikunni, en þann 5. apríl sl. tók þáverandi fjármála- og efnahagsráðherra, Þórdís Kolbrún Reykfjörð Gylfadóttir ákvörðun um að taka kröfugerð ríkisins á svæði 12 til ítarlegrar endurskoðunar og óskaði eftir því við óbyggðanefnd að hún fresti málsmeðferð. Er þessi ákvörðun tekin í ljósi þess að miklir annmarkar eru á undirbúningi málsins af hálfu ríkisins.
Í sameiginlegri bókun bæjarstjórnar segir að bæjarstjórn telji jákvætt að Þórdís Kolbrún Reykfjörð Gylfadóttir fjármálaráðherra hafi ákveðið að endurskoða kröfuna í land í Vestmannaeyjum enda miklir vankantar á henni. Óbyggðanefnd hefur fallist á endurskoðunina og veitt frest til 2. september. Bæjarstjórn skorar á nýjan fjármálaráðherra að afturkalla kröfu ríkisins í heild sinni.
https://eyjar.net/framlengja-frest-landeigenda/
https://eyjar.net/krofunni-haldid-til-streitu/
