Pysjueftirlit á fullu

Góður skriður er kominn í pysjuveiðarnar en í dag komu 198 fuglar til viktunar og er þá heildar talan komin í 963 stykki. Þetta eru aðeins færri pysjur en í gær en pysjurnar eru ennþá frekar smáar og er meðalþyngdin um 235 grömm. Starfsfólk pysjueftirlitsins á von á góðri veiði um helgina og eru enn fremur bjartsýn á það að pysjur eigi eftir að halda áfram að skila sér fram í miðjan september. Þau vilja einnig koma því á framfæri að vel er hægt að vigta pysjurnar heima og senda þeim upplýsingar um þyngd, dagsetningu og finnendur með tölvupósti á margret@setur.is. Auðvelt er að vigta fuglana með eldhúsvog og plastskál. Ef pysja er mikið léttari en 200 gr. eða mikið dúnuð er ráðlegt að koma með hana á safnið og fá frekari leiðbeiningar. Mikilvægt er að sleppa lundapysjum við fyrsta tækifæri og handleika fuglana sem minnst. Þá er vert að minna á að það er pláss fyrir góða sjálfboðaliða í pysjueftirlitinu og eru áhugasamir hvattir til að hafa samband.

Nýjustu fréttir

Styrktarsjóður Landakirkju veitir aðstoð fyrir jólin
Fjölgun brota endurspegli aukið ofbeldi
Eyjakonur mæta Stjörnunni í bikarslag í kvöld
Heimir og Írar fara í umspil í Þjóðadeildinni
Átján framúrskarandi fyrirtæki í Eyjum
Bærinn semur við kaupmenn um jólagjafakort
Fjarvarmi í Eyjum hækkaði um 4,81% í nóvember
Herjólfur miðar við 2,5% hækkun um áramót
Eyjafréttir
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.