Þakka langvarandi stuðning og vináttu
Asi Fridriks 24 Fb L
Ásmundur Friðriksson

Nú liggur fyrir að ég verð ekki á lista Sjálfstæðisflokksins í Suðurkjördæmi fyrir Alþingiskosningarnar 30. nóvember nk. Ég verð heldur ekki á öðrum framboðslistum, þrátt fyrir boð um örugg þingsæti. Eðlilega er ég þakklátur fyrir slík boð, af þeim er heiður og virðing fyrir því sem ég hef staðið fyrir.

Ég vil þakka öllum sem studdu mig í vali Kjördæmisráðs Sjálfstæðisflokksins á Selfossi sl. sunnudag. Það hefur alltaf legið fyrir að í innsta kjarna flokksfélaganna hef ég ekki sótt stuðning minn til þingsetu sl. 12 ár. Umboð mitt hefur komið frá hinum almenna borgara sem hefur tekið þátt í fjölmennum prófkjörum og stutt mig til góðar verka. Ég mun áfram vinna með því sjálfstæðisfólki sem trúir á frelsi einstaklingsins en hafnar sérhagsmunum þeirra sem telja kerfið fyrir sig en síður aðra.

Ég trúi því að við saman, styrkjum Sjálfstæðisflokkinn í komandi kosningum og látum ekki niðurstöðu um val á lista flokksins breyta þar neinu um. Það hefur aldrei verið mikilvægara en nú að við verðum samtaka í áralaginu í gegnum brim og voðasker á pólitískum vettvangi.

Framtíðin er björt, ég er heilsuhraustur og leita nýrra tækifæra í lífinu. Ég á yndislega konu, börn, fjölskyldu og vini sem ég get reitt mig á. Í þeim felast tækifæri mín um blómlega framtíð og fegurð lífsins. Pólitísk uppgjör og endir, er á mína ábyrgð. Ég stóð sjálfur við stjórnvölin og valdi leiðina, ég kenni engum um og þakka fyrir þann tíma sem ég átti á Alþingi Íslendinga. Ég tel að þingið verði fátækara ef menn og konur með minn bakgrunn, reynslu og þekkingu úr atvinnulífinu fái ekki brautargengi til að endurspegla samfélagið okkar í þingsal.

Ég óska frambjóðendum Sjálfstæðisflokksins í Suðurkjördæmi velgengni í komandi kosningum. Framtíðin bíður þeirra.

 

Ásmundur Friðriksson alþingismaður.

Nýjustu fréttir

Aðsend grein
Þetta er mjög einfalt og enginn ómöguleiki
Menning
 Ég skal syngja fyrir þig í Salnum
Íþróttir
Hinrik Hugi framlengir við ÍBV
Íþróttir
Díana Dögg öflug í sigri Blomberg-Lippe
Myndband
Snjóþungt í Eyjum
Áhugavert
Skvísudagur á Bókasafninu um helgina
Vinnslustöðin
Fleiri erlendir starfsmenn læra íslensku í Eyjum
Aðsent
Taktu þátt í að móta menningarstefnu Vestmannaeyja
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.