Markmiðið er skýrt – Fjórir þingmenn D inn í Suðurkjördæmi
eftir Gísla Stefánsson
Gísli Stefánsson

Ég er afar þakklátur fyrir það traust sem mér var sýnt af félögum mínum í kjördæmisráði þegar ég var kosinn í 4. sæti lista Sjálfstæðisflokksins í Suðurkjördæmi fyrir komandi kosningar.

Verkefnið er skýrt. Sjálfstæðisflokkurinn ætlar sér að ná fjórum þingmönnum inn í Suðurkjördæmi fyrir komandi kosningar. Ljóst er að stuðningur eyjamanna við framboðið er gríðarlega mikilvægur en sjaldan hefur verið mikilvægara að ná Eyjamanni á þing.

Nú þarf að ýta málum áfram

Skýrslan um fýsileika gangna til Vestmannaeyja virðist hafa týnst ofan í skúffu í öllu argaþrasi stjórnmálanna undanfarið. Krafan um að opinbera niðurstöður hennar er hér með komin í loftið og vinnan við það hefst strax.

Byrja þarf strax að finna leiðir til að víkka þann flöskuháls sem er á álagstímum í Landeyjahöfn. Vegagerðin þarf að eignast varaskip sem nýtist öllum ferjuleiðum á landinu jafnt á álagstímum sem og þegar skip fara til viðhalds. Við biðum einnig alltof lengi eftir endurnýjun á ferju til siglinga til eyja svo það er ekki seinna vænna en núna að hefja það samtal.

Verð á heitu vatni í Eyjum er í engum takti við þau lífsgæði sem finnast annars staðar á landinu. Þjónusta fjarvarmaveitna mun alltaf vera, eðli málsins samkvæmt, dýrari en þegar hægt er að dæla heitu vatni beint upp úr jörðinni. Plástrar Orkustofnunar í formi niðurgreiðslna eru hins vegar ekki nægilegir heldur þarf ríkissjóður að mæta kostnaði við fjárfestingu nýrra strengja þannig að flutningur orku til veitunnar verið á rekstarhæfu verði.

Sjúkraþyrluverkefnið var fjármagnað fyrir heimsfaraldur en hefur hins vegar verið á ís síðan. Nú þarf að ræsa vélarnar og þannig auka ekki aðeins öryggi okkar sem búum í eyjum heldur allra á suðurlandi. Viðbragðstími á Hornafirði er ekki boðlegt og vegir í uppsveitum víða ómalbikaðir og í litlu viðhaldi. Ferðamannastraumurinn í kjördæminu er gríðarlegur og það eitt og sér kallar á að þetta mál fari aftur í gang.

Verum í virku samtali

Ég hvet ykkur til þess að vera í virku sambandi við mig. Ég mun verða mikið á ferðinni næstu daga um kjördæmið en verð alltaf tilbúinn að taka símann. Kosningastjórn flokksins hefur þegar hafið störf og framundan er fjöldi viðburða um allt kjördæmið og verða Vestmannaeyjar ekki undanskildar því. Ég hlakka því til að sjá ykkur og eiga samtalið.

 

Gísli Stefánsson

 

Höfundur skipar fjórða sæti á lista Sjálfstæðisflokksins í Suðurkjördæmi í komandi alþingiskosningum.

Nýjustu fréttir

Sjávarútvegur
Eyjarnar fiskað afar vel að undanförnu
Samgöngur
Samgöngur til Vestmannaeyja algerlega óásættanlegar
Aðsend grein
Skyldumæting í höllina í dag!
Herjólfur
Undirskriftalisti vegna ástandsins í Landeyjahöfn
Íþróttir
ÍBV tapaði gegn Fram á Lambhagavellinum
Herjólfur
Ólíklegt að höfnin opni um helgina
Aðsend grein
Stærstu viðskiptafréttir í Eyjum á næsta leiti?
Úr blaði Eyjafrétta
Svava Tara hjá Sölku fer yfir sumartískuna 2026
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.