Unnur Rán leiðir Sósíalista í Suðurkjördæmi

Eyjafréttir
·
Stjórnmál
·
30. október 2024

Félagsfundur Sósíalistaflokksins samþykkti í gærkvöld oddvita listans í Suðurkjördæmi fyrir komandi Alþingiskosningar. Oddviti listans er Unnur Rán Reynisdóttir, hársnyrtir og hársnyrtikennari. Þá var listinn fyrir Suðurkjördæmi einnig samþykktur í heild sinni, segir í tilkynningu frá flokknum.

Unnur Rán er fjögurra barna móðir, búsett í Reykjanesbæ en uppalin á Flúðum í Hrunamannahrepp. Unnur Rán vinnur á umhverfisvottuðu hársnyrtistofunni Zenz Reykjavík og hefur einnig starfað innan verkalýðshreyfingarinnar á árum áður og unnið af krafti í þágu umhverfis- og vinnuverndarmála á þeim vettvangi, setið í stjórn Félags Hársnyrtisveina og ASÍ-Ung. Unnur Rán berst gegn ójöfnuði í samfélaginu. Henni eru sérstaklega hugleikin málefni barna og jaðarsettra hópa í samfélaginu, þar sem aukinn ójöfnuður leiðir af sér enn fleiri vandamál.

„Engin manneskja á að þurfa að leita á náðir hjálparstofnanna til að geta gefið börnum sínum að borða, til að geta haldið jól eða til þess að börn geti tekið þátt í frístundum. Þau þungu skref á engin manneskja að þurfa að taka, heldur ættum við öll að geta lifað mannsæmandi lífi. Það að taka þátt í samfélaginu á ekki að einskorðast við stétt, uppruna, heilsu eða fjárhag. Hvort sem um ræðir börn eða fullorðna þá eigum við öll að geta fengið að blómstra,“ segir Unnur, oftast kölluð Rán.

„Uppræta þarf ójöfnuðinn í stað þess að plásta það sem ekki virki, þrátt fyrir að þakka megi góðgerðarstofnunum þeirra fallega starf þá ættum við ekki að neyðast til að senda fólk þessa bónarleið sem er eingöngu tilkomin vegna misskiptingar í samfélaginu. Núverandi ölmusukerfi er til þess fallið að þau sem eiga fjármagnið nú þegar geta klappað sjálfum sér á bakið þegar þau gera hin miklu góðverk að styrkja þau sem minna eiga. Þetta er kapítalisminn í sinni tærustu mynd og hann leiðir til enn frekari vandamála.”

Listinn í heild sinni er þannig skipaður:

1. Unnur Rán Reynisdóttir, 41 árs, Hársnyrtimeistari/kennari
2. Hallfríður Þórarinsdóttir, 64 ára, Framkvæmdastjóri
3. Arnar Páll Gunnlaugsson 35 ára Bifvélavirki
4. Þórdís Bjarnleifsdóttir, 53 ára, Nemi
5. Sigurrós Eggertsdóttir, 27 ára, Háskólanemi/fjöllistakona
6. Ægir Máni Bjarnason, 31 árs, Félagsliði/listamaður
7. Ólafur Högni Ólafsson 47 ára, Fyrverandi fángavörður
8. Elínborg Steinunnardóttir/Björnsdóttir, 51 árs,Bráðatæknir/öryrki
9. Þórbergur Torfason, 70 ára, Ferðaþjónustubóndi
10. Vania Cristina Leite Lopes 41 árs, Félagsliði
11. Bjarni Þór Þórarinsson, 67 ára, Ráðgjafi
12. Arngrímur Jónsson, 64 ára, sjómaður
13. Kári Jónsson, 65 ára, verkamaður/öryrki
14. Magnús Halldórsson, 70 ára, Skáld
15. Hildur Vera Sæmundsdóttir, 63 ára, sjálfstætt starfandi
16. Pawel Adam Lopatka, 40 ára, landvörður
17. Stefán Helgi Helgason, 65 ára, Öryrki
18. Guðmundur Jón Erlendsson, 59 ára, Bílstjóri/öryrki
19. Þórir Hans Svarsson 58 ára
20. Gunnar Þór Jónsson 77 ára,

Nýjustu fréttir

Íþróttir

ÍBV með bakið upp við vegg eftir tap gegn Val

Sjávarútvegur

Eyjarnar landa í Grindavík

Aðsend grein

Sterk uppbygging og skýr framtíðarsýn

Aðsend grein

Skortur á félagslegum tengslum er dauðans alvara

Fréttatilkynning

Síðasta Aglow samvera vetrarins

Samgöngur

Landeyjahöfn orðin fær á háflóði

Áhugavert

Heimsklassa matreiðslumeistarar frá Íslandi á MATEY

Íþróttir

Úrslitaeinvígið: Mæta Val á heimavelli

Mest lesið

viðburðir

22. maí 2026

18:00

MATEY Seafood Festival

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Nýjustu fréttir

Góð ráð fyrir siglingu

Sjóveiki