Í dag var greint frá því að Hafrannsóknastofnun ráðleggi veiðar á 8589 tonnum af loðnu. 200 mílur, sjávarútvegsvefur mbl.is greinir frá því að einungis verði 4.683 tonna loðnu­kvóta ráðstafað til ís­lenskra skipa af þessum 8589 tonnum sem lögð voru til af Hafró, eða rúm 54%.

Vísar miðillinn til til­kynn­ingar á vef Stjórn­artíðinda. Þá segir að áður en til út­hlut­un­ar komi verða 248 tonn dreg­in frá og falla í hlut rík­is­ins sem byggða- og at­vinnu­kvóti, en þess­ar veiðiheim­ild­ir verða lík­lega í boði fyr­ir ís­lensk skip á skipta­markaði. Ætla má að þau 3.906 tonn sem útaf standa miðað við ráðgjöf Haf­rann­sókna­stofn­un­ar renni til er­lendra skipa í sam­ræmi við fisk­veiðisamn­inga Íslands við Græn­land, Fær­eyj­ar og Nor­eg.

Þá er haft eftir Sig­ur­geiri Brynj­ari Krist­geirs­syni fram­kvæmda­stjóra Vinnslu­stöðvar­inn­ar á sama miðli að full­trú­ar loðnu­út­gerða hafi fundað í dag og hef­ur verið til umræðu að efna til frek­ari loðnu­leit­ar. Stutt er til stefnu því langt er gengið á vertíðar­tíma­bilið. „Loðnan er kom­in að Reykja­nesi og eft­ir ekki marga daga er hún kom­in í hrogn. Við ætl­um að funda aft­ur í fyrra­málið,“ seg­ir Binni.