Minna Ágústsdóttir um Mey ráðstefnuna: „Gleðin var einstök“

Kvennaráðstefnan Mey fór fram í Sagnheimum fyrir fullum sal kvenna þann 5. apríl síðastliðinn. Markmið ráðstefnunnar er að sameina konur, styrkja, gleðja og valdefla. Þrír ólíkir fyrirlesarar stigu á svið yfir daginn og fjölluðu um fjölbreytt og áhugaverð málefni. Minna Ágústsdóttir, forstöðukona Visku, stendur að baki ráðstefnunnar. Minna svaraði nokkrum spurningum fyrir Eyjafréttir.

Fullt nafn: Minna Ágústsdóttir.

Fjölskylda: Ég er gift Arnari Péturssyni, við eigum tvö börn Dag og Kötlu, tvö tengdabörn Svövu Töru og Elmar og tvo ömmu -og afaprinsa Flóka og Tandra.

Mottó: Hafa gaman, annars er svo leiðinlegt.

Síðasta hámhorfið: Alheimsdraumurinn og ég í alvöru græt úr hlátri.

Uppáhalds hlaðvarp? Hef verið að hlusta undanfarið á Komið gott með Ólöfu Skafta og Kristínu Gunnars.

Aðaláhugamál: Ég á mörg skemmtileg áhugamál. Fylgist mikið með handbolta hjá fólkinu mínu, elska alls kyns líkamsrækt og er dugleg að prufa nýja hluti, píanóið mitt sem aumingja nágranninn þarf að hlusta á mig spila á og síðast en ekki síst fjölskylda mín og vinir.

Eitthvað sem þú gerir á hverjum degi sem þú gætir ekki verið án: Fer á æfingu nánast daglega í Metó með góðum vinkonum og ég verð að fá kaffið mitt.

Hvað óttast þú mest: Í aukavinnu er ég áhyggjumálaráðherra, en hef síðustu ár reynt að segja upp því starfi og reyni að mæta hverjum degi og þeim áskorunum sem honum fylgja.

Hvað er velgengni fyrir þér: Þegar þú nærð að virkja fólkið og teymið í kringum þig, leyfir hverjum og einum blómstra og vaxa þá gerast geggjaðir hlutir.

Hvað er það besta við starfið þitt í Visku? Hvað það er ótrúlega fjölbreytt og skemmtilegt. Gaman að hafa frjálsar hendur með hvað hægt er að gera og bjóða upp á og koma til móts við óskir og þarfir fólks. Gaman hversu margir sækja íslenskukennslu og tómstundanámskeiðin sem við höfum verið að bjóða upp á. Ég er líka einstaklega heppin með samstarfskonur og stjórn, vinnum vel saman.

Hvað fannst þér standa upp úr á Mey í ár? Gleðin, vináttan og kærleikurinn í salnum var einstakur. Þær töluðu allar um það sem komu og fluttu erindi hvað það var góður salurinn af konum. Hlátrasköllin heyrðust um allan bæ langt fram á kvöld. Erindin voru allt í bland, fræðandi, seiðandi og fyndin.

Hvað er fram undan hjá ykkur í Visku? Nú fer vorönn að klárast með útskriftum úr íslenskukennslunni. Við verðum þó með þrjú námskeið í maí: Leikfangahekl, Hormónar og heilsa og Skartgerðina. Einnig er eftir ein fyrirtækjakynning þann 8. maí. Dagskrá haustannar er að taka á sig mynd og erum við mjög spenntar að henda henni í loftið. Skjöldur karlaráðstefnan verður svo aftur haldin þann 11. október.

Eitthvað að lokum? Mig langar að hvetja fólk til þess að fylgja okkur á samfélagsmiðlum og sjá hvað við erum að bjóða upp á og taka virkan þátt í starfinu. Það er alltaf hægt að kíkja í spjall eða senda okkur tölvupóst með hugmyndum og vangaveltum. Einnig ef fólk er að hugsa um að fara í frekara nám þá bjóðum við upp á náms- og starfsráðgjöf fólki að kostnaðarlausu.

Nýjustu fréttir

Minning
Útför: Einar Birgir Sigurjónsson
Íþróttir
Elís Þór æfði með A-landsliðinu
Aðsent
Treysti sér ekki til að vera heima og horfa á leikinn
Áhugavert
Gagnrýna samning bæjarins við rekstraraðila heilsuræktar
Sjávarútvegur
Lönduðu fullfermi í Grindavík
Aðsent
Líf og fjör á Suðurlandi: Barnamenningardagar framundan
Úr blaði Eyjafrétta
Tanja er íþróttamaður mánaðarins
Áhugavert
Tannverndarvika
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.