Við athöfn á Stakkagerðistúni á sjómannadaginn var áhöfnin á björgunarskipinu Þór heiðruð sérstaklega fyrir björgunarafrek. „Þann 5. júní í fyrra björguðu þeir áhöfn seglskútu með harðfylgi og drógu skútuna til hafnar í norðan stormi, allt að 34 metrum á sekúndu og sex metra ðlduhæð,“ sagði Guðni Hjálmarsson sem stýrði atöfninni.

„Með öll segl rifin, nánast engar olíubirgðir og í bráðum vanda um 75 sjómílur ASA af Eyjum milli miðnátta. Verkefnið tók um 22 klukkutíma. Í áhöfn Þórs voru  dáðadrengirnir Þorbjörn Víglundsson skipstjóri, Björgvin Hlynsson vélstjóri og hásetarnir þeir Arnar Gauti Egilsson, Reynir Egilsson, Steinar Máni Ívarsson og Þráinn Jónsson,“ sagði Guðni og kallaði þá upp.

Mynd Óskar Pétur.