Allir þingmenn Suðurkjördæmis fengu boð um að koma á ráðstefnu Eyjafrétta sem haldin var á dögunum vegna frumvarps atvinnuvegaráðherra um hækkun veiðigjalda. Þrír þingmenn sáu sér fært að mæta.

Það voru þau Guðrún Hafsteinsdóttir og Vilhjálmur Árnason frá Sjálfstæðisflokki og Víðir Reynisson frá Samfylkingu. Öll tóku þau til máls á ráðstefnunni. Í dag heyrum við ræðu Víðis Reynissonar sem sagði m.a. að þau hafi sagt fyrir kosningar að þau ætluðu að hækka veiðigjöldin. „Við sögðumst ekki ætla að gera það svona hratt og það er það sem ég hef áhyggjur af í málinu í heild sinni. Við sjáum raunverulega hvað afleiðingarnar eru, hver áhrifin verða.”