Vestmannaeyjar: Raunverulegt verðmætasköpunar vetur-sumar-vor og haust

Eyjafréttir
·
Aðsend grein
·
1. febrúar 2026

Aðsend grein

Jóhann Halldórsson

Sennilega hefur aldrei verið eins mikið í gangi og jafn mikil verðmætasköpun að eiga sér stað á einu atvinnusvæði á Íslandi. Nýjasta yfirlýsing um mikilvægi stórskipakants vegna fóðurframleiðslu er enn eitt dæmið.

„Bent er á að uppbygging hjá Laxey, ásamt viljayfirlýsingu um að Vestmannaeyjar geti orðið þjónustuhöfn fyrir hugsanlegt úthafseldi, styrki rök fyrir því að fóðurframleiðsla verði staðsett í Eyjum. Samkvæmt áætlunum má gera ráð fyrir að innan fárra ára verði fóðurþörf fyrir um 100 þúsund tonn af laxi miðað við þau eldisáform sem nú liggja fyrir.”

Þess má geta að stærsti fóðurframleiðandi í heiminum í dag, Skretting er hluthafi í Laxey.

Það slær því svolítið skökku við að framkvæmda-og hafnarráð telji ríkja metnaðar- og áhugaleysi hjá stjórnvöldum gagnvart uppbyggingu stórskipakants í Vestmannaeyjahöfn sem loksins er talin þjóðhagslega hagkvæm framkvæmd.

Við þetta bætist svo gríðarleg framtakssemi Eyjagangna sem eru að klára 200 milljón króna hlutafjáraukningu með þátttöku stærstu fyrirtækja í Vestmannaeyjum, Vestmannaeyjabæ, Rangárþingi eystra og Íslandsbanka.

Á sama tíma og stærstu fyrirtæki landsins, stærstu fjármálafyrirtæki landsins, alþjóðlegir fjárfestar, og alþjóðlegar fjármálastofnanir, hafa þegar fjárfest og sýna nú áhuga á frekari fjárfestingu í Eyjum. Virðist ekkert bóla á fjármagni ríkisstjórnarinnar sem var öll að vilja gerð fyrir kosningar að leggja fjármagn í verkefnin og stuðla að aukinni innviðauppbyggingu.

Þrátt fyrir þetta áhugaleysi er ríkisstjórnin boðin og búin að þiggja væna sneið af kökunni af þeim verðmætunum sem eru að skapast í Eyjum !

Það er svo spurning hvort að vilji hennar til fjárframlaga aukist nú þegar að stefnir í góða loðnuvertíð þar sem mesta verðmætasköpunin mun sennilega vera í Vestmannaeyjum sem gæti skilað þjóðarbúinu í kringum 10 milljörðum í útflutningstekjur og skattspori uppá a.m.k. hundruði milljóna.

Til að setja þessa hluti svo í eitthvert samhengi hafa ekki einu sinni fengist 60 milljónir fyrir fyrsta rannsóknarþrep vegna fýsileika jarðgangna til Eyja !

Mér dettur þá í hug amma sem kenndi mér að maður ætti bæði að gefa og þiggja !

Jóhann Halldórsson

Hér að neðan eru fréttir af verðmætasköpuninni sem er raunverulega að eiga sér stað í Vestmannaeyjum.

Taka skal fram að þetta eru einungis fréttir í janúar !!!

Nýjustu fréttir

Íþróttir

Efnilegir pílukastarar láta til sín taka

Aðsend grein

Vestmannaeyjar: Raunverulegt verðmætasköpunar vetur-sumar-vor og haust

Úr blaði Eyjafrétta

Tími til kominn að taka næsta skref

Aðsend grein

Ákvarðanir fyrir framtíðarkynslóðir

Áhugavert

Í dag eru 75 ár frá Glitfaxaslysinu

Úr blaði Eyjafrétta

Hárígræðslur í Tyrklandi

Áhugavert

Húsið of hátt – skipulagi breytt eftir á og nágrannar ósáttir

Íþróttir

Elliði fyrir leikinn gegn Dönum

Mest lesið

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Aðsend grein

Jóhann Halldórsson

Nýjustu fréttir

Góð ráð fyrir siglingu

Sjóveiki