Handbolta- og landsliðskonan Andrea Jacobsen hefur gert tveggja ára samning við kvennalið ÍBV frá og með næsta tímabili. Hún kemur til liðsins frá þýska liðinu Blomberg-Lippe. ÍBV greindi frá tíðindunum á samfélagsmiðlum sínum fyrr í dag.

Andrea er 27 ára gömul og leikur sem vinstri skytta. Hún hefur undanfarin ár leikið erlendis, bæði í Svíþjóð, Danmörku og nú síðast í Þýskalandi, frá árinu 2024. 

Í tilkynningu ÍBV segir ,,Andrea er einn reynslumesti leikmaður íslensks handbolta og hefur leikið með íslenska landsliðinu um árabil auk þess sem hún hefur spilað erlendis hjá félögum í Danmörku og Þýskalandi. Samtals hefur hún spilað 66 landsleiki og skorað 116 landsliðsmörk fyrir Ísland, auk farsældar í Evrópukeppnum með félögum sínum í Þýskalandi. Við erum spennt að fá hana til Vestmannaeyja. Andrea bætir miklum styrk og reynslu við hópinn”.

ÍBV er eins og er í 2. sæti Olís deildarinnar, tveimur stigum á eftir toppliði Vals