Lögreglan á Suðurlandi hefur handtekið tvo einstaklinga í tengslum við rannsókn á andláti á hjúkrunarheimili í Vestmannaeyjum. Báðir hafa stöðu sakbornings í málinu.

Jón Gunnar Þórhallsson, yfirlögregluþjónn hjá lögreglunni á Suðurlandi, staðfestir að hvorugur hinna handteknu hafi verið úrskurðaður í gæsluvarðhald á þessu stigi.

Samkvæmt heimildum mbl.is er um tvo starfsmenn stofnunarinnar að ræða, þar af annar hjúkrunarfræðingur. Rannsóknin beinist meðal annars að því hvort lyfjagjöf hafi átt þátt í andlátinu.

Lesa má fréttina í heild sinni á heimasíðu Morgunblaðsins.